弗留利语

S’o cjapais puest sun tune des otante, o passe, corieris che ogni sere, tra lis quatri e lis sîs, ‘e partìssin di Udin e si sparnìzzin par dutis lis stradis dal Friûl, rivant fintremai sui cunfins de “Patrie”, ‘o podaressis visâsi di une cjôse che merte studiade. Al moment de partenze, la plui part de int montade sù ‘e strambolote par talian: un talian straordenari, grîf, pesant, imberdeât, sgramaticât, cun inflessions e cadenzis; un talian cence consonantis doplis e cu lis vocâls strissinadis, cjantadis, slumbriadis; un talian pegri, sudizionôs, malsigûr, fevelât, par solit a mieze vôs. Ma, par òrdin che si slontanisi de “capitâl” e che si làssin pe strade chei dai paîs plui dongje, par ordin che la int ingrumade si srarìs e si comòde su lis sentis, la musiche ‘e va gambiansi.

每天傍晚四点到六点，有八十多辆长途汽车从乌迪内出发，驶遍弗留利的条条道路，一直开到“故土”的边界。如果你搭上其中一辆，就能目睹一种值得研究的现象。发车时，大多数乘客用意大利语低声嘟囔：那是一种非常奇特的意大利语，生涩、沉重、纠缠不清、不合语法，带着各种语调和抑扬；一种没有双辅音、元音被拖长、被唱出来、被拉开的意大利语；一种慵懒、羞怯、犹疑的意大利语，通常压低了声音说。但随着汽车驶离“首府”，放下住在邻近城镇的乘客，其余的乘客便慢慢地、也许还是低声地，开始说起弗留利语来——一种仍然微弱而乏味、夹杂着意大利语、生硬做作的弗留利语。

Si comenze planc planchin a fevelâ par furlan, magari sotvosvìe; un furlan ancjemò svampît e lami, messedât cul talian, studiât e sfuerzât. E co’ no rèstin su la coriere altri che i abitanz dai paisùz e cjasai plui lontans, al pâr che a duc’ al sei tornât il flât, ‘e alzin la vôs, ‘e discòrin franc e cence sudizion, e no si sint plui une paraule di talian. Il lengaz di cheste int al è un furlan sclet, sigûr, culurît, al è une musiche svereade cun dutis lis ghenghis e lis cjantilenis di ogni paîs, di ogni cjanâl, di ogni localitât. Par cui ch’al à cundizion e gust di chestis robis, chest lengaz al è veramentri interessant, al è une meravèe. Ogni moment ‘e ven fûr une paraule rare, une butade gnove, une plèe dal discors frescje e indivinade, une sclamazion insolite. Chei omenuz, ches feminis, chei fruz che prime, talianant, ‘e parevin ingredeâz tun barazzâr, cumò che cjantin la lôr lenghe ‘e semèin pujeris che corin a brene viarte sun tun prât.

然而，当车上只剩下最偏远的城镇和村落的居民时，似乎每个人都重新喘过气来：他们大声说话，自由自在、毫无拘束，再也听不到一个意大利语词。这些人说的是一种自然、自信、色彩丰富的弗留利语；它是一种音乐，充满了每座城镇、每个山谷、每个地方的各种语调和抑扬。对于喜欢这类事物的人来说，这种语言非常有趣，堪称奇观：罕见的词语、新颖的表达、清新贴切的说法、不常听到的感叹，不断涌现。同样是这些男人、女人和孩子，说意大利语时仿佛被困在荆棘丛中，如今唱起自己的语言来，就像脱了缰的羊群在开阔的田野上奔跑。

S’al capite di fâ il viaz de ledrôs – de perifarìe in zitât – ancje il gambiament de lenghe al sozzêt al incontrari. La int, che in partenze ‘e fevelonave cence riuarz tal so lengaz, par ordin che si vizìnisi al capolûc e che mòntin sù chei dai paisòz centrai, si cujete, si spaurìs, ‘e disbasse la vôs, ‘e tache a piconâ par talian: talian paralitic, bastart, mostruôs, talian ch’al fâs dûl ai clas. I furlans ‘e àn pôre di jessi ridûz e cojonâz se fevèlin a lôr mût; ‘e àn pôre di semeâ sclapezòcs, int indaûr e ignorante, di fâ brute figure, di fâsi ridi in ghigne. Invezzi ‘e devèntin pardabon ridicui fasìnt in cheste maniere. Se vèssin il spirt di stâ sul lôr jessi, di mostrâsi ce che son, di fevelâ a muse viarte, cun francjezze e cun disinvulture, il lengâz imparât di lôr mari, nissun ju cjolares pal cûl, nissun vares nuje ce dî, nissun si dares di maravèe, nissun olsares nancje fâ bocje da ridi, fûr di qualchi biât dordel, ignorant e curt di comprendoni che nol merte nancje cjalât in muse. E cheste disgraziade mentalitât, ce in tune maniere ce in chealtre, la mòstrin squasi duc’, ancje chei di zitât, ancje chei plui dispatussâz, plui inscuelâz e plui sigûrs di sè: tal discori, tal resonâ, tes impinions e tal mût di fâ e di cumpuartâsi.

如果你碰巧反方向而行，从城郊驶向城市，语言的变化也会反过来发生。起初自在地说着自己语言的人们安静下来；随着离首府越来越近，随着中心城镇的人上车，他们战战兢兢地压低声音，开始用意大利语嘟囔：他们的意大利语瘫软、杂糅、怪模怪样，连石头听了都会可怜！弗留利人害怕说自己的语言会被人嘲笑和戏弄：他们怕显得粗鲁、无知、落后，怕出丑，怕被人笑话。可他们这样做，反倒变得真正可笑了。如果他们有勇气做自己，展现本来的面目，坦率、自然、大大方方地说从母亲那里学来的语言，就没有人会戏弄他们，也没有人会说三道四，没有人会感到惊讶，甚至没有人敢笑——除了某个可怜无知、不值得理会的蠢人。无论如何，几乎每个人都有这种愚蠢的心态，城里人也好，更开明、更有教养、更自信的人也好，概莫能外：这从他们的谈话、想法和观点中，从他们的为人处世中都流露出来。

Cuintri di cheste debulezze noaltris ‘o scombatìn dopo in ca, in dutis lis manieris, cu lis peraulis e cui faz: ‘o cirìn di dismovi ta l’anime de nestre int un fregul di sigurezze, di francjezze, di muse rote, un fregul di dignitât e di cussienze etniche, un fregul di chel sintiment che i nostris viej ‘e àn simpri vût, fin quant ch’al è rivât chenti il talian a mortificânus e umiliânus cu la sô borie, cu la sô sbatule e cu la sô invadenze. Al è un lavôr intrigôs il nestri, ma necessari: fintremai che il furlan nol varà imparât a mostrâ la sô muse cence rispiet uman e cence deventâ ros, nol sarà madûr par governâsi di bessôl; e al sarà di bant pridicjâ autonomìis e imbastî statûz regjonai. L’autonomie si à di vêle prime di dut tal zerviel e ta l’anime e dopo si podarâ pratindile tes lez e tai ordenamenz.

多年来，我们一直在以各种方式、用言语和行动同这些弱点作斗争：我们努力在我们的人民中唤起一点自信、坦率和胆量，一点尊严和民族意识，唤起我们的长辈自从意大利语以其傲慢、饶舌和强横来贬低和羞辱我们以来一直怀有的那种情感。我们的任务艰难但必要：在弗留利语学会不脸红、不顾忌世俗眼光地露出自己的面孔之前，它就不够成熟，无法自我治理；谈论自治、筹划大区章程也将毫无用处。我们必须首先在头脑和心中确立自治，然后才能在法律和条例中要求自治。